Comelec 6 Director Nick Mendros, ginakabig nga madinalag-un ang bag-o lang natapos nga midterm elections

Iloilo — Ginakabig ni Comelec 6 Director Atty. Jose Nick Mendros nga madinalag-on ang bag-o lang natapos nga midterm elections.

Ini bisan may mga reklamo sang nag-malfunction nga vote counting machines kag defective nga SD cards.

 Suno kay Mendros, tuman ka nubo sang numero sang mga VCM kag SD cards nga may problema.

Sa 7,109 ka VCM nga gingamit sa Region 6 sang election day, 192 ang gin-report nga nag-malfunction  kag gilayon man napadal-an sang contigency machine.

May 80 ka SD cards naman nga defective kag minimal ini kon ikumparar sa 14 mil 218 ka SD cards nga gingamit sang Lunes, Marso 13.

Pero seryoso ang problema suno kay Mendros bangud indi sila makaproklamar sang nagdaug nga kandidato kon indi makumpleto ang pag-transmit sang mga SD cards.          

Paathag ni Mendros, mahinay ang pag-download halin sa ila central office sang data nga gamiton sa pag-reconfigure sang SD cards.

Nagpasalig si Mendros nga ginahimo nila ang tanan agud masolusyunan ang problema.

Napilitan ang Iloilo Provincial Board of Canvassers nga mag-recess kagab-i bangud wala sang na-transmit nga data halin sa mga polling precints nga may defective SD cards. (JoMaque)