Cong. Ferj. Biron, zero vote sa Brgy. Pinay, Ajuy

Iloilo –Wala sang nakuha nga boto sa Barangay Pinay Espinosa, Ajuy si Congressman Ferj Biron nga nagapadalagan sa pagka-governor sa bag-o lang natapos nga midterm elections.

Suno kay anay Punong Barangay kag subong Barangay Kagawad Myerna Baya-os,  wala nakakilala ang mga residente kay Biron bangud wala suno sa iya nagabisita sa ila.

Wala man siya sang watcher sa amo nga barangay sang election.

Ginpabutyag ni Baya-os nga nahamut-an kag ginboto nila si Congressman Arthur Defensor Jr, bangud kilala siya sa barangay.

Suno pa sa kagawad, palangga man sang mga residente ang mga Tupas bangud nagakadto sila sa barangay.

Si Barotac Viejo Mayor Beng Tupas ang vice-governor ni Congressman Defensor. (JoMaque)