Governor-elect Arthur Defensor, Jr, nagpasalig nga balikan sang maayo nga serbisyo ang pagpili sa iya sa puwesto

Iloilo City — Nagpasalig si Congressman Toto Defensor nga balikan niya sang maayo nga serbisyo ang pagpili sa iya sa pagka-gobernador sa bag-o lang natapos nga midterm elections.        

Nagpaguwa sang pahayag si Defensor bisan wala pa matapos sang Provincial Board of Canvassers ang canvassing of votes.

Tubtob alas-10 kagab-i, 98.94% na sang resulta sang mga boto ang na-transmit sa Comelec kag nagapangibabaw si Defensor nga may 474,676 votes kontra kay Congressman Ferj Biron nga may 385,033 votes.

Ginpabutyag ni Defensor nga daku ang nabulig sang tampad nga panggobyerno sang iya amay — Governor Arthur Defensor sa iya kandidatura. Pero iya man gin-athag nga credentials siya kag madamo sang hinimuan gani nakahanda na siya magserbisyo sa probinsiya. (JoMaque)