May 28, 2022

Malisyoso kag iresponsable — PRO 6 Director John Bulalacao sa akusasyon nga ‘private army’ sang mga Defensor ang mga pulis

Read Time:1 Minute, 2 Second

Iloilo City — Gintawag ni Police Regional Office 6 Director Police Brigadier General John Bulalacao nga malisyoso kag iresponsable ang mga nag-post sa social media sang akusasyon nga private armed group ang mga pulis sang mga Defensor sa Iloilo.

Suno kay Bulalacao, wala sang pamatuod ang nag-post nga private army ang police sang pulitiko.

Kon nangin istriko ang mga pulis sa pagbantay, ginpabutyag ni Bulalacao nga kabahin lang ini sang ila obligasyon nga siguraduhon nga patas kag wala sang dinayaay ang eleksyon sang Mayo 13.

Nakahanda naman si Bulalacao nga atubangon ang anuman nga reklamo nga ipasaka batuk sa iya.

Buligan man suno sa iya sang pamunuan sang Philippine National Police ang mga pulis kon may magpasaka sa ila sang kaso sa ila ginhimo nga mga operasyon angut sa midterm elections.

AKUSASYON NI CONG. BIRON

Sa interview kay Congressman Ferj Biron sa Aksyon Firingline kagab-i, Mayo 15, gin-akusaran niya ang mga pulis nga ‘private army’ ni Governor Arthur Defensor nga gingamit sa election.

Suno kay Biron, ginpasundan ang mga lideres sang iya partido kag ginpahayag nga ‘ginpigos’ ang iya mga kaalyado nga pulitiko antes ang election.

Ginpahayag sang kongresista nga indi maakusaran ang ila grupo nga poderoso bangud wala sila sa gahum. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Cause-oriented groups, nag-rally sa atubang sang Iloilo City Police Office
Next post Mga posters sa kilid karsada kag mga poste, wala pa nakuha