144 drivers sa syudad, gin-subject sa random drug test

Iloilo City — Nagconduct sang random drug test ang Philippine Drug Enforcement Agency kag iban pa nga mga ahensiya sang gobyerno sa 144 ka mga drivers sa syudad kahapon, Mayo 16.

Suno kay PDEA 6 Officer In Charge Alex Tablate, negatibo ang resulta sang drug test sa natungdan nga mga drivers sa Parola Wharf, Ortiz Whaf, Loboc Wharf, Iloilo Terminal Market kag Hibao-an Terminal.

Ginhimo ang Oplan Harabas para malikawan ang paggamit sang illegal nga druga sang mga drivers.

Kaupod sang PDEA 6 ang Land Transportation Office, Land Transportation Franchising and Regulatory Board, Department of Health kag City Government sa amo nga aktibidad.

‘KUN MAGPOSITIBO’

Kun magpositibo sa random drug test, i-subject liwat sa drug test ang natungdan nga driver para sa confirmation suno kay Tablate.

Dugang niya, indi man pagpasakaan sang kaso ang driver apang i-subject sa drug rehabilitation program.

Ginpahayag kuhaon naman ang lisensya sang driver nga magpositbo sa drug test. (JoMaque)