Councilor Ed Peñaredondo, wala naglaum nga magpangulihot sa ranking sa bag-o lang natapos nga eleksyon

Iloilo City — Wala ginalauman ni Councilor Ed Peñaredondo nga magpangulihot siya sa pagka-konsehal sa siyudad sa bag-o lang natapos nga midterm elections.

Suno kay Peñaredondo nagalaum siya nga magatupa sa ika-anum ukon ika-pito nga pwesto kasubong sang nagliligad nga election.

Gin-preparahan nila suno sa iya ang election pero wala nila na-preparahan ang hulag sang pihak nga grupo. Nagpabutiyag ang konsehal nga naubusan sang ‘gasolina’ ukon pondo ang ila grupo.

Gin-ako ni Peñaredondo nga nagkanya-kanya sila gasto sa election bangud kulang ang ila funding.

Samtang bukas naman Peñaredondo nga batunon ang mga katungdanan nga ihatag sa iya sa idalom sang liderato ni Mayor-elect Congressman Jerry Treñas.

Sang alkalde pa si Treñas sadto, nagabulig man siya bisan wala siya ginatugyanan.

Si Peñaredondo ang nagsipak sa linyada ni Treñas antes ang election period.

Gin-athag niya nga wala siya sang pagsunggod kay Treñas kundi sa mga kapitan nga nagasuporta sa kongresista.

Dugang pa niya, wala na sila sang komunikasyon sang kongresista tubtub subong. (JoMaque)