May 24, 2022

DOH 6, nagpaandam sa publiko sa mga balatian nga mahimo magtuhaw sa pagkambyo-kambyo sang klima

Read Time:57 Second

Iloilo City — Nagpaandam ang Department of Health Region 6 sa publiko sa mga masakit nga mahimo magtuhaw bangud sa pagkambyo-kambyo sang klima.

Suno kay Dr Jessie Glenn Alonsabe, chief epidemiologist  sang DOH 6, posible magtuhaw ang flu kag ang mga waterborne diseases pareho sang typhoid fever kag hepatitis bangud posible ma-contaminate ang mga water source tuga sang pag-ulan ulan.

Posible man nga magtuhaw ang dengue bangud sang pag-ulan.

Apang gin-athag ni Dr. Alonsabe nga wala pa gihapon nadula ang mga masakit nga nagtuluhaw sa tiun sang tig-ilinit bangud wala pa natapos ang dry season gani lauman  nga may mga kaso pa sang tipdas nga posible magtuhaw.

Nagpanugyan siya sa mga ginikanan nga pabakunahan gid ang mga kabataan agud makalikaw sa tipdas.

Base sa monitoring sa PAG-ASA, wala pa natapos ang dry season bisan pa may mga pag-ulan na sa pila ka parte sang Iloilo bangud ang ini nga mga pag-ulan makabig lang nga mga isolated rain fall.

Ginpahanumdom ni Dr. Alonsabe nga importante sa gihapon ang pagmentinar sang katinlo sang lawas kag palibot agud makalikaw sa anuman nga balatian. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PDEA 6, may impormasyon nga nagagamit sang illegal nga druga ang mga PUV drivers
Next post 2 dakup sa drug buy bust operation; P160 nga balor sang suspected shabu, na-recover