Mga suspek nga involved sa rambol nga nagresulta sa pagkapatay sang seaman kag tatlo ka pilason sa Infante, Molo, napasakaan na sang kaso

Molo, Iloilo City– (UPDATE) Napasakaan na sang kaso nga murder kag frustrated homicide ang mga suspek nga involved sa rambol nga nagresulta sa pagkapatay sang seaman kag tatlo ka pilason sa Infante, Molo sang Mayo 15 sang kaagahon.

Suno kay Police Major Engilbert Banquillo, hepe sang Molo Police Station, indi paghangpanay ang ginasunod nila nga anggulo.

Na-recover sa crime scene ang balisong.

Todo panginwala si Ramon Parcon Jr., nga siya ang nagpugos sa seaman nga si John Ferick Segutier, 24 anyos sang Calumpang, Molo, samtang ginabuno sang iya abyan nga si Gazer Franco.

Ginpahayag naman ni Parcon nga atubangon na lang niya ang kaso.

Base sa CCTV footage sang Brgy. Infante, makita nga nagahana-ay sanday Segutier kag Franco tubtob nakita nga nagdalagan patabok sa karsada ang seaman.

Pero pagbalik niya, may bitbit na siya nga pakaw sang bomba kag ginlampusan ang suspek sang makaduha ka beses gani natumba.

Ginpugos pa sang isa sa mga suspek ang biktima.

Sang natumba ang biktima, ginhap-an pa gid siya sang suspek kag ginbuno.

Makita man sa footage nga may naglampos sa suspek agud buy-an niya ang seaman. (JoMaque)