3 solterito, natiphagan sang duta samtang nagakutkot sang bubon sa Lambunao

Iloilo — Under observation sa ospital ang tatlo ka mga solterito matapos na-rescue sang natiphagan sang duta sa Barangay Maite Pequeño kaina sang hapon, Mayo 18.

Suno kay Police Staff Sergeant Jessie Aposin, imbestigador sang Lambunao Police Station, nagakutkot sang bubon ang tatlo sang natiphagan sang duta.

Ginabanta 45 metros na ang ila nakutkot sang natiphag ang duta.

Nagbululigay ang mga rescuers sang Lambunao MDRRMO, Lambunao BFP kag mga barangay officials agud ma-rescue ang tatlo.

Wala man sang seryoso nga napilasan pero nagreklamo ang tatlo sang pagpalanakit sang ila lawas.

Ginahibalo pa suno kay Aposin ang gintunaan sang pagkatiphag sang duta. (JoMaque)