Sunog sa Dumangas Public Market, nagbilin sang P9.5 million nga kahalitan

Dumangas, Iloilo — Naglab-ot sa masobra P9.5-Million ang balor sang kahalitan sang sunog sa porsyon sang merkado publiko sang Dumangas kaina sang aga, Mayo 20, suno kay SFO4 Antonio Patiño Jr., head sang Dumangas Fire Station.

Suno kay SFO4 Patiño, 18 ka mga kiosko ang totally damaged samtang apat naman ang partially damaged.

Posible electrical short circuit naman ang gintunaan sang sunog suno kay SFO4 Patiño bangud una nga nakita ang kalayo sa kisame sang duha ka panalgan nga building sa merkado.

Posible man nga may nagsindi sang kandila ukon may open flame sa lugar suno sa BFP. (AGB/AT)