12 ka nagdaug senador sa 2019 midterm elections, ginproklamar na

Manila — Ginproklamar na sang Commission on Elections ang 12 ka nagdaug nga senador sa 2019 midterm elections.

Dungan nga ginproklamar ang mga senators-elect sa PICC kaina sang aga, Mayo 22.

Sa final and official count sang Comelec, nagpanguna si reelectionist Senator Cynthia Villar nga may 25,283,727 votes. Nagapangaduha si Senator Grace Poe nga may 22,029,788 votes.

Nagapangatlo si former SAP Bong Go, ginsundan nanday anay Senador Pia Cayetano, former PNP Chief Bato Dela Rosa, Senador Sonny Angara, former Senator Lito Lapid, Imee Marcos, Francis Tolentino, Koko Pimentel, Bong Revilla kag Nancy Binay.

51 naman ka party-list groups ang sigurado nga may representatives suno sa Comelec. (AGB)