6 dakup sa drug buy bust operation
Iloilo City – Nadakpan si Rascid Divinagracia, 43 sang Balabago, Jaro; iya bata nga si Vanessa Bedua, 26; live-in partner ni Vanessa nga si Jerick Esponilla; utod ni Vanessa nga si Jan Yasser Divinagracia, 24; ila pakaisa nga si Michael Divinagracia, 37 kag Marion Durban, 57.
Ginhimo ang operasyon sang Regional Drug Enforcement Unit sa Balabago, Jaro subong nga kagab-i, May 21.
Suno kay Police Lt.Thurzlie Castillo sang RDEU, subject sang ila operasyon si Jan Yasser.
14 ka sachets sang suspected shabu ang na-recover, P3,500 nga buy bust money kag mga drug paraphernalia.
Nagpamalibad ang anum nga magpa-interview sang ginkuhaan sang pahayag. (JoMaque)