May 24, 2022

1 pilason sang nakabunggo kag nasunog ang motorsiklo sa naga-park nga truck sa Mandurriao

Read Time:47 Second

Iloilo City — Pilason ang 21-anyos nga si Weller Manzanares sang Lessandra Subdivision, Brgy. Jibao-an, Pavia matapos nakabunggo ang ginamaneho niya nga motorsiklo sa naga-park nga 10-wheeler truck sa Guzman-Jesena, Mandurriao alas 12:15 kaina sang kaagahon, Mayo 23.

Gindala sa Western Visayas Medical Center si Manzanares bangud sang pilas sa ulo kag fractured nga tuo nga kamot.

Suno Kay Police Staff Sergeant Toto Karl Petalco, traffic investigator sang Mandurriao Police Station, halin sa Mandurriao plaza ang motorsiklo kag pakadtu sa Pavia sang nakabunggo sa 10-wheeler truck nga naga-park sa left-lane sang karsada.

Bag-o lang nag-park sa left lane sang karsada ang truck nga ginamaneho ni Rolem Bachar sang Calinog sang natabu ang aksidente.

Gulpi nga nagkarab-karab ang truck kag motorsiklo kasunod sang aksidente.

Maswerte naman nga nakapanaug na sa salakyan ang driver sang 10-wheeler truck sang nagkalayo suno kay Police Staff Sergeant Petalco. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Magtiyo nga nasapwan patay sa Balabago, Jaro, miembro sang ‘organized gang’ nga responsable sa pagpangawat kag pagpanghold-up – Jaro police
Next post OFW, nagreklamo nga ginpalagyo sang iya asawa ang ila bata