Masobra 38,000 ka bakante nga trabaho, buksan sa hiwaton nga Iloilo PESO Job Fair sa June 7

Iloilo— Masobra 38,000 ka trabaho ang nagahulat sa mga jobseekers sa Job Fair sang Public Employment Service Office – Iloilo Province sa Kapitolyo sa Hunyo 7.

Suno kay PESO Head Francisco Heler, 142 na ka mga kompaniya ang nagconfirmar nga mapasakop sa Job Fair.

May help desk man nga pasakupan sang TESDA, NBI, OWWA, POEA, SSS, BIR, DFA, Parole and Probation Office, Philippine Pacific Administration kag iban pa.

May special lane para sa mga persons with disabilities, solo parents, parolees, mga benepisaryo sang programa sang DSWD, TESDA graduates kag indigenous people ukon IPs.

Lakip sa mga ginatanyag sa Job Fair ang trabaho sa Business Process Outsourcing, tutorial, real estate, banking, micro finance, hotel and restaurant, retailers, medical fields kag construction.

May “Libre Sakay” sa mga luyag magpasakup sa Job Fair ang LGUs sang Barotac Viejo, Cabatuan, Estancia, Igbaras, Janiuay, Lambunao, Maasin, Sta. Barbara, Maasin, Leon, Miagao kag Zarraga. (JoMaque)