14-anyos nga dalagita sa Tigbauan, nagbitay-patay

Tigbauan, Iloilo — Patay na sang nasapwan sang iya lola sa sulod sang iya kwarto mga las 6:30 sang aga ang 14-anyos nga dalagita sa Tigbauan sang Mayo 25.

Suno kay Police Major Dennis Pamonag, hepe sang Tigbauan Police Station, nakit-an na lang sang iya lola ang dalagita nga nagabitay gamit ang paha nga ginhigot sa iya liog kag ginhigot man sa ibabaw nga parte sang aparador.

Base sa imbestigasyon sang kapulisan, posible nagsunggod ang dalagita sa iya ginikanan kag mga utod bangud sa kakulang sang atensiyon nga ginahatag sa iya.

Dugang pa ni Major Pamonag, sang nagligad nga bulan nagtuyo man nga magpanginmatay ang dalagita paagi sa paglaslas sa iya pulso.

Upod sang dalagita nga naga-estar sa balay ang iya lola kag separado sa iya ginikanan kag mga utod. (AGB/KJT)