Bata, pilason matapos ginlabu sang iya amay sa Estancia

Iloilo — Duguon nga gindala sa Jesus Colmenares District Hospital ang 23 anyos nga lalaki matapos ginlabu sang iya amay sa Barangay Tabu-an, Estancia kagab-i, Mayo 27.

Pilas sa ulo ang naagom ni alyas Virgil nga residente sang nasambit nga lugar.

Base sa imbestigasyon sang Estancia police kaupod nga naga-inom-inom si Virgil kag iya amay nga si alyas Jose antes natabu ang insidente.

Ginpahayag nga may ginbaisan ang duha angut sa problema sang ila pamilya.

Ginkakibot lang ni Virgil sang ginlabu siya sang iya amay. Gilayon nga nagpalagyo si Jose pero nadakpan man sang mga pulis.

Padayon pa ang imbestigasyon sang mga pulis sa natabu. (JoMaque)