Babaye nga ginhal-id sa higad sang karsada sa (UPDATE) Dumangas kahapon kag napatay sa ospital bangud sang pilas sang pagkatiro, nakabaton sang pamahog suno sa iya iloy; biktima nakapa-blotter pa sa Molo Police Station isa ka oras antes siya nasapwan

Guimaras — Nakabaton sang pamahug si Marlyn Serdeña, 29 anyos sang Barangay San Miguel, Buenavista, Guimaras, nga ginhal-id sa kilid sang karsada sa Barangay Talusan, Dumangas kahapon sang aga, Mayo 28.

Suno kay Marilou nga iloy ni Marlyn, nakatawag sa iya ang iya bata tatlo ka adlaw na ang nakaligad kag ginbilin ang pagtatap sa iya duha ka kabataan.

Sa pagpangusisa sang Aksyon Radyo, nakapa-blotter pa si Marlyn sa Molo Police Station alas-5 kahapon sang kaagahon nga may pamahug siya nga nabaton.

Ginatudlo ni Marlyn nga nagapahug nga patyon siya ang lalaki nga nagpa-blotter sa amo man nga police station bangud ginhatagan niya sang P47,000 ang biktima para i-capital sa pagbaligya sang bangrus kag lukon pero wala man nagtupa.

May mga blotter reports man batuk kay Marlyn halin sa iban pa nga mga nagreklamo nga ginkuhaan niya sang kwarta. (AGB)