May 24, 2022

Provincial Comelec, gina-abi-abi ang election protest ni Congressman Ferj Biron matapos napierde kay Congressman Toto Defensor sa gubernatorial race

Read Time:50 Second

Iloilo — Gina-welcome sang provincial Comelec office ang election protest nga gin-file ni 4th District Congressman Ferj Biron batuk sa nagdaug nga si 3rd District Congressman Arthur ‘Toto’ Defensor Jr.

Katuyuan sini suno kay Comelec Provincial Supervisor Atty. Robert Salazar nga masanagan ang publiko sa matuod-tuod nga resulta sang pinili-ay kag kun insakto ang pagbasa sang Vote Counting Machine (VCM).

Ginapanindugan ni Salazar nga credible ang mga VCMs base sa nagligad nga mga eleksyon.

Ginpahayag ni Salazar nga mahimo maka-file sang protesta ang kandidato kon nagapati siya nga may iregularidad sa pag-conduct sang eleksyon.

Pero dapat nga may gina-uyatan siya nga mga ebidensya agud pamatud-an ang iya alegasyon. Kinahanglan suno sa iya nga i-file ang reklamo sa sulod sang 10 ka adlaw halin sa proklamasyon sang nagdaug nga kandidato.

Sa reklamo ni Biron, may validated report sila nga nabaton nga Defensor ang nagguwa nga ngalan sa gin-issue nga resibo sang VCM bisan Biron ang ila nga ginboto. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mandurriao police may suspect na sa nagtiro-patay sa call center agent sang Mayo 24 -ICPO Director
Next post Trisikad driver, napilasan sa ulo matapos ginlampusan sang baseball bat sa City Proper