Trisikad driver, napilasan sa ulo matapos ginlampusan sang baseball bat sa City Proper
Read Time:1 Minute, 12 Second
Iloilo City — Duguon ang ulo sang 52-anyos nga trisikad driver matapos ginlampusan sang baseball bat sang lalaki sa Barangay Nonoy, City Proper kaina, Mayo 30.
Suno sa tagreklamo nga si Gregorio Nietes Jr. sang Barangay Tanza-Bonifacio, City Proper, naga-inom inom sila sang iya abyan sa higad sang karsada malapit sa perimeter fence sang isa ka simbahan nga nahamtang sa lugar sang hinali lang may nagbasya sa iya sang tubig.
Ginpulpog ni Nietes ang metal roofing nga nagserbe perimeter fence sang simbahan tubtob nga naguwa si Elmer Sundia kag ginlampusan siya sa lawas kag ulo.
‘NAG-SORRY’
Nagdepensa naman si Catalina Sundia, asawa sang ginreklamo, nga nagpangayo sila sang pasaylo bangud indi hungod nga nabasa sang tubig si Nietes.
Ginpahayag nagapamuyayaw si Nietes tubtob nga naguwa ang bana ni Sundia kag gintiklod gamit ang baseball bat ang tagreklamo.
Posible nakabunggo ang ulo ni Nietes rason nagdugo suno sa asawa.
Gindala sa Police Station 1 ang mga involved apang nag-areglohanay.
PULIS?
Nagdugang ang komosyon sa lugar sang ginsaway sang ginapatihan American citizen nga nagpakilala pastor ang mga katapo sang media sa pag-follow up sang insidente.
Nagpakilala pa ang pastor nga chief of police sa lugar kag miembro sang Philippine National Police.
Nagpakita man sang ID kag badge ang foreigner nga ulihi nakilala kay James Stanton.
Nagpasalig si Police Lieutenant Colonel Jonathan Pablito, hepe sang Police Station1, nga i-background check nila ang natungdan nga foreigner. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...
7-11 convenience store sa MV Hechanova, Jaro, ginhold-up sang nagpakunu-kuno nga mabakal sang itlog
ILOILO CITY – Gin-hold up sang lalaki nga nagpukunu-kuno nga mabakal sang itlog ang 7-Eleven sa MV Hechanova, Jaro mga...
LTO, mag-distribute ang breath analyzer sa mga pulis sa Iloilo City
Managtag ang Land Transportation 6 sang mga breath analyzer sa mga police sa Iloilo City nga deputized sang ahensiya para...
Average Rating