DSWD, nagpanindugan nga ipa-refund ang social pension sang 420 ka non-eligible nga benipisaryo sa syudad

Iloilo City — Ginpanindugan sang Department of Social Welfare and Development (DSWD) ang pagpa-refund sang social pension nga nabaton sang 420 ka non-eligible nga benepisaryo sa syudad sang Iloilo.

Sa official statement nga ginpaguwa sang DSWD kahapon, Hunyo 1, gintumod ni Jose Antonio Hernandez, OIC sang Office of the Assistant Secretary for Special Concerns, ang Commission on Audit report nga 420 sa 13 mil 190 ka social pensioners sa syudad ang non-eligible.

Ginrekomendar sang COA sa City Social Welfare and Development Office nga ibalik ang 1.830 million pesos nga social pension nga na-release sa ineligible nga mga benepisaryo sang 2018.

Nakabaton ang kada benepisaryo sang 1,500 tubtob 4,000 pesos.   

Ginsulit ni Hernandez nga base sa DSWD Memorandum Circular Number 4 series of 2019 ukon ang Omnibus Guidelines sa implementasyon sang Social Pension Program for Indigent Senior Citizens, eligible nga benepisaryo sa programa ang mga senior citizens nga 60 anyos pasaka; masakiton, maluya ukon may disability; wala sang pension halin sa GSIS, SSS, Philippine Veterans Affairs Office, AFP and Police Mutual Benefit Association, Incorporated ukon anuman nga insurance company; wala sang permanent nga source of income kag wala sang regular nga suporta halin sa iya pamilya ukon mga himata para sa iya basic needs. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %