Manghud, natiruhan sang iya magulang sa City Proper

Iloilo City — Gindala sa ospital ang 29 anyos nga lalaki matapos natiruhan sang iya magulang sa Barangay Tanza Bonifacio, City Proper kaina sang aga, Hunyo 3.

Napilasan sa tuo nga abaga kag likod si John Leonel Dolendo sang nasambit man nga lugar matapos nakabais ang magulang nga si Jaime Richard Dolendo, 33 anyos.

Nagdepensa naman ang suspek nga nagpalangdulom ang iya panulok kag na-impito siya bangud sa akusasyon sang iya manghod.

Suno kay Jaime nga ginabasol siya sang iya utod sa pagkadula sang kuwarta sang ila amay. Nagapangayo naman sang pasensya si Jaime sa iya manghod kag indi niya hungod nga tiruhon ang biktima.

Na-recover sa lugar ang .45 caliber, 2 ka basiyo sang .45 caliber kag isa ka bala.

Nagapabilin nga preso sa Police Station 1 si Jaime kag posible magpangatubang sang kaso nga frustrated homicide kag paglapas sa Comelec Gun Ban. (AGB)