Janiuay Mayor-elect Frankie Locsin, naka-hospital arrest matapos gindakup sang NBI sa kaso nga graft and corruption

Iloilo City — Gindakop sang mga katapo sang National Bureau of Investigation ukon NBI 6 si Janiuay mayor-elect Frankie Locsin sang naggawad siya sang clearance sa ahensiya kahapon, Hunyo 3.

Ginserbihan si Locsin sang warrant of arrest nga gin-issue sang Sandiganbayan sang Mayo 22, 2019 angut sa kaso nga paglapas sa Anti Graft and Corrupt Practices Act.

Gindala sa Western Visayas Medical Center si Locsin para sa medical check-up kag nadiskubrehan nga may mga ginabatyag siya sa lawas gani ginrekomendar sang doktor nga i-admit siya sa ospital. Dugang sang doktor, indi ‘fit’ mabyahe si Locsin.

Nagdesisyon ang pamilya Locsin nga i-admit sa pribado nga ospital ang arestado nga ginabantayan sang apat ka personnel sang NBI 6. (AGB)