Pulis nga ginreklamo nagpangkastigo sa preso sa Pototan, wala nagasanto ang pahayag angut sa natabo

Iloilo City — Wala nagasanto ang pahayag sang isa sa mag-utod nga pulis nga ginreklamo sang 26-anyos nga preso nga nagkastigo sa iya sa P. Ledesma Ward, Pototan sang Mayo 27.

Sa interview sang Aksyon Radyo Iloilo kay Police Staff Sergeant Ravelo Acosta Jr., assign sa Pototan Police Station, ginpahayag niya nga yara siya sa ila sub-station sa merkado sang nakabaton sang impormasyon natuhoy sa ginpahayag komosyon sa nasambit nga barangay.

Nagresponde sa lugar si Acosta kag gindakop si Emmanuel Adoracion matapos ginreklamo ni Donnil John Peñaflorida nga nagsumbag kag nagbuno sa iya apang wala naigo.

Base naman sa ginsumiter nga sworn affidavit ni Acosta, ginpahayag niya nga ara siya sa ila balay sa nasambit man nga barangay sang nakabaton sang impormasyon angut sa komosyon kag nagresponde.

Nanindugan si Acosta nga naghimo siya sang ‘hot pursuit operation’ kasunod sang reklamo ni Peñaflorida rason nagkadto sa balay ni Acosta kag gindakop siya.

Suno naman kay Police Staff Sergeant Erwin Acosta, magulang sang pulis, wala siya sang duty sang nagluntad ang insidente apang nagresponde sa lugar matapos nabatian ang komosyon.

Ginpahayag niya nga yara na sa lugar ang iya manghod kag ang mga pulis sang nag-abot siya.

Ginbali naman ni Police Staff Sergeant Raffy Gonzales, team leader sang nagresponde nga pulis, ang pahayag sang mag-utod nga pulis.

Suno kay Police Staff Sergeant Gonzales, ang mag-utod nga Acosta ang una nga nagresponde sa lugar kag nagdakop kay Adoracion. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %