15-anyos nga dalagita sa Lapaz, nagbitay-patay

Iloilo City — Patay na sang nasapwan sang iya pamilya ang 15 anyos nga dalagita sa Lapaz mga alas-singko kahapon sang hapon, Hunyo 4.

Nakabitay si alyas Inday sa sulod sang iya kwarto gamit ang habol.

Suno sa magulang nga babaye ni Inday, naka-chat pa alas-11:14 sang aga ang dalagita sang “I love you” kag “I miss you” pero wala siya naka-online kag sang hapon langn naka-reply pero wala na nakasabat ang dalagita.

Wala man sang nasugid nga problema ang dalagita suno sa iya utod, kag wala man ini sang ginbilin nga suicide note.

PANAYSAYON SANG GINIKANAN

Wala sang nanotisyahan ang iloy nga may problema si alyas Inday. Mabuot man suno sa iya ang bata kag palakadlaw.

I-check pa sang iloy ang cellphone sang dalagita kon may makuha nga mga impormasyon nga makatudlo sang rason sang iya paghikug.

Las-siete kahapon sang aga katapusan nga nakita sang iloy nga buhi ang iya bata antes siya nagpadulong sa iya trabaho bilang salesgirl.

Samtang ginpahayag sang amay nga PUJ driver nga dungan pa sila kaun ni Inday mga alas-11 sang aga. Paglakat sang amay agud magbiyahe, nagdumdom siya nga nagpa-eskwelahan naman ang dalagita nga panghapon ang klase. (AGB)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %