May 24, 2022

P10,000 nagahulat nga padya sa makatudlo sang mga durugista sa Don Esteban, Lapuz

Read Time:44 Second

Don Esteban, Lapuz–Nagtanyag sang P10,000 nga reward money ang Punong Barangay sang Don Esteban, Lapuz sa makatudlo sang mga nagabaligya kag nagagamit sang illegal nga druga sa barangay.

May mga posters nga natapik sa bilog nga barangay agud mapahibalo ang amo nga reward bilang kabahin sang kampanya kontra druga sang barangay.

Suno kay Kagawad Reynaldo Brito, ang reward, initiative sang ila kapitan nga si Punong Barangay Rodrigo Dellomes.

Ang kuwarta suno kay Brito, magahalin sa kaugalingon nga bulsa sang kapitan.

Wala naman napa-athag ni Brito kun ano ang proseso sa paghatag sang reward money pero iya ginpasiguro nga may himuon nga validation ang barangay council sa mga impormasyon nga ipalab-ut sa ila.

Ginpahibalo man ni Brito nga wala nagakuha sang iya suweldo si Kapitan Dellomes sa baylo, ginabakal ini sang notebook, papel, lapis kag iban pa nga kagamitan sang mga bata sa barangay.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Muslim community sa Iloilo, nagselebrar sang Eid’l Fitr
Next post SB Member sang San Enrique, ginreklamo nga nanumbag sang ambulance driver nga nagsaway sa iya angut sa indi husto nga pag-park