(UPDATED) Suspek sa paghimulos kag pagpatay sa 7-tuig nga bata nga babaye sa Negros Occidental, napasakaan na sang kaso

Negros Occidental — Ginpasaka na ang kaso nga rape with homicide batuk kay Mark Besa, 39 anyos, nga suspek sa paghimulos, pagpatay, pagsulod sa saku kag paghaboy sa basurahan sa pito ka tuig nga bata nga babaye sa Victorias City, Negros Occidental sang Hunyo 2.

Suno kay Police Captain Joy Ellaga, Deputy Chief sang Victorias City Police Station, ginpasaka nila ang kaso kahapon.

Sa judicial confession ni Besa, iya gin-ako nga nagamit siya sang shabu sang aga sang Hunyo 2 antes ginhimo ang krimen pagkahapon. Ginpabutyag man ni Besa nga isa lang siya ang naghimo sang krimen, kag ini man ang naguwa sa imbestigasyon sang mga pulis suno kay Ellaga.

Hugot nga seguridad suno kay Ellaga ang ginapatuman halin sang ginbalik si Besa sa police station matapos nadakpan sa Barangay Pili, Ajuy, Iloilo sang Hunyo 3 sang hapon bangud madamo sang mga pamahug sa suspek.

Pasakaan man sang kaso ang tiyo ni Besa nga si Napoleon Besa. Suno kay Police Major John Van Luspo, hepe sang Ajuy Police Station, ilakip sa kasuhan si Napoleon bangud wala siya nagpanugid sa mga pulis nga nagatenir sa iya ang suspek. (AGB)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %