Mangunguma, nasapwan patay sa talamnan sa San Dionisio

Iloilo — Patay na sang nasapwan ang 27-anyos nga mangunguma sa talamnan sa Barangay Taloato, San Dionisio las 11:50 sang aga sang Hunyo 6.

Nakita sang iya utod si Tweemard Paciente sang Brgy. Tad-y, Sara nga wasak na ang ulo.

Narecover sa lugar ang pugakang kag basiyo sang 12 gauge shotgun.

Suno Kay Police Lieutenant Edgar Labiscase, hepe sang San Dionisio Police Station, antes nasapwan ang biktima, nakita pa siya nga nagkadtu sa iya talamnan las 4 sang hapon sang Hunyo 5 apang wala na nakapauli.

Away sa duta ang ginasunod nga motibo sa krimen sang San Dionisio police.

Ginpabutyag ni Labiscase nga may person of interest na sila sa krimen. (JoMaque)