Lineman, nakoryente sa Pavia

Iloilo — Gindala sa ospital ang 22-anyos nga lineman sang Max Steel Industry Incorporated matapos nakoryente sa Barangay Pandac, Pavia las 8:15 kaina sang aga, Hunyo 9.

Ginkilala ang biktima kay Aldwin Janry Narido, tumandok sang Leyte pero temporaryo nga nagatiner sa Miag-ao.

Suno kay Police Master Sergeant Geoffrey Oboab, imbestigador sang Pavia Police Station, nagsaka sa poste sang ILECO 1 si Narido bangud nagkay-o sa linya sang koryente halin sa Barangay 5 pakadtu sa Brgy. Pandac.

Dugang ni Oboab, nagsaka si Narido sa pagpati nga napatay na sang ILECO 1 ang elektrisidad.

Natandog suno sa iya ni Narido ang primary line rason nga nakoryente kag nahulog sa atop sang balay.

May 3rd degree burn si Narido. (JoMaque)