Subject sang drug buy bust operation nga natiruhan matapos ginpahayag nagbato, napatay suno sa iya pamilya

Iloilo City — Patay ang 37 anyos nga subject sang drug buy bust operation sa Barangay Guzman Jesena, Mandurriao matapos natiruhan sang ginpahayag nagbato sa mga pulis mga alas-11 kaina sang aga, Hunyo 12.

Ginconfirmar sang pamilya nga napatay si Giovanni Mejica. Ginhimo sang Mandurriao police kag City Drug Enforcement Unit ang buy bust operation.

Una na ginpahayag ni Police Major Marlon Valencia, hepe sang Mandurriao Police Station, nga una nagpalupok sang pusil ang subject sang namutikan nga pulis ang iya ka-transaksyon.

Naigo sa dughan suno kay Valencia ang back-up nga pulis pero wala naglusot ang bala bangud nakasuksok siya sang bullet proof vest.

Gin-classify ni Major Valencia si Mejica nga High Value Target Level 1 drug personality kag ginpahayag nga naga-supply sang illegal drugs sa Mandurriao. (AGB)