May 28, 2022

(UPDATE) Amay sang bata nga napatay sa sunog sa Lapuz, nagapangayo sang dugang nga bulig para sa ila pamilya

Read Time:59 Second

Iloilo City — Nagpangayo sang bulig ang amay sang apat ka tuig nga bata nga lalaki nga napatay sa sunog sa Rizal, Lapuz sang Martes sang gab-i, Hunyo 11.

Temporaryo nga nagatenir sa ila lolo ang nakaluwas nga kabataan ni Benedict Peralta samtang confine sa Western Visayas Medical Center ang iya asawa nga si Jocel bangud nagbara ang tutunlan sa nahaklo nga aso.

Yara naman sa Gegato Funeral Homes ang bangkay ni Daniel John.

Wala nakahibalo si Benedict kon sa diin sila masaylo pagkatapos sang natabu, pero ginapasalamatan ang mga nagpromisa nga maghatag sang bulig sa ila pamilya.

ANO ANG NATABU?

Ginsaysay ni Peralta nga nagakatulog sila nga magpamilya sang nag-ibwal ang kalayo.

Nakibot siya pagbugtaw nga tuman na ka init sang kisame gani gindala niya sa CR ang iya asawa kag kabataan bangud indi na sila makaguwa sa mayor nga puwertahan bangud sang kalayo.

Pero ginbalikan ni Daniel John ang iya ido. Balikon pa kuntani ni Benedict ang bata pero indi na niya siya makasulod bangud sang grabe nga kalayo.

Gintawag man niya ang bata pero indi na siya mabatian.

Katapusan nga nabatian ni Benedict ang pagtawag ni Daniel John sang “Mama” kag “Papa.”

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Amay, pilason matapos ginlampusan sang wasay sang iya bata sa Pototan
Next post (UPDATE) Pagbukas sang overpass sa Luna, Lapaz sa atubang sang WVSU kag INHS, nag-ani sang positibo nga reaksyon –PSTMO head