ArchivesLokal

Sports news: Toronto Raptors, kampeon sa NBA 2019 Finals

California, USA — Naagaw sang Toronto Raptors ang kampeonato sa defending champion nga Golden State Warriors sa National Basketball Association (NBA) 2019 Finals.

Kasunod ini sa paglutos sang Raptors sa Warriors sa Game 6 sang ila best-of-seven Finals series sa score nga 114-110.

Wala nangin upang sa Raptors ang homecourt advantage sang Warriors agud makuha sang hubon ang kampeonato, nga may 4-2 lead.

Finals Most Valuable Player si Kawhi Leonard nga nakahimo sang 22 points. 

Sang 2014, si Leonard man ang NBA Finals MVP sang nagkampeon ang iya anay team nga San Antonio Spurs kontra sa Miami Heat. (AGB)