May 24, 2022

Collector ang lending company nga tumandok sang Iloilo, naghikug- patay sa Roxas City, Capiz – Police

Read Time:47 Second

Capiz – Nagabitay sa puno sang kahoy kag patay na sang nasapwan ang collector sang lending company sa Barangay Punta Tabuc, Roxas City, Capiz ala-1:10 kahapon sang hapon, Hunyo 14.

Ginconfirmar ni Police Master Sergeant Ramil Arcangeles sang Roxas City Police Station ang natabu kay alyas Ren, 36 nga tumandok sang Passi City, Iloilo.

Sa pag-imbestigar ni Arcangeles, ginsaysay sang live-in partner nga si alyas Gen, 28 anyos, nga naghambal si Ren sang Hunyo 11 nga nakapoy na siya sa pag-obra kag gusto nga mag-suicide.

Nagpa-blotter si Gen sang Hunyo 12 bangud wala na nakapauli ang iya live-in partner.

Posible suno sa pulis nga duha ka adlaw na nga patay ang collector antes nasapwan sang panday nga nagabitay gamit ang iya nga paha.

Depression ang isa sa mga ginasunod nga rason sa pagpanginmatay sang lalaki. Ginpahayag nga isa na lang si Ren nga nabilin nga collector sa ila kompaniya. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pagkapatay sang subject sa buy bust operation sa Mandurriao, imbestigaran sang CHR 6
Next post May ‘mafia’ sa Philhealth – Former Health Secretary Janette Garin