May 24, 2022

May ‘mafia’ sa Philhealth – Former Health Secretary Janette Garin

Read Time:1 Minute, 4 Second

Iloilo – Madugay na nga may “mafia” sa Philhealth suno kay former Health Secretary kag incoming Congresswoman Janette Garin.

Reaksyon ini ni Garin sa tunga sang kontrobersiya nga nag-claim halin sa Philhealth ang WellMed Dialysis Center sa Quezon City bisan patay na ang ila pasyente.

Paathag ni Garin, ang Health Secretary ang nagapungko nga chairman of the Board sang Philhealth kag sa isa ka tuig kag tunga nga pag-preside niya, iya natukiban nga madugay na ang problema sa Philhealth.

Ginpabutyag ni Garin nga ginpamangkot pa niya sang una kon ngaa nagabayad gilayon sa mga partner facilities bisan wala nabusisi sang maayo ang claim.

Gin-claim ni Garin nga pila ka top executives sa Philhealth central office ang nagapakighimbon sa mga health care providers kag institutions.

“LAIN-LAIN NGA MODUS”

Pila ka modus nga gintumod ni Garin ang pag-peke sang balatian. Halimbawa suno sa iya, hilanat ang balatian pero ginahimo nga pneumonia agud daku ang ma-claim sa Philhealth.

May ara man suno sa iya nga partner facility nga nagahimo sang medical mission, pero ginasukot man ang Philhealth.

“MAY CULTURE OF FEAR”

Mabudlay ang pagpatuman sang reporma sa Philhealth suno kay Garin, kag may “culture of fear.”

Ang mga reformists suno kay Garin, ginapakamaayo nga maghipos na lang ukon mag-resign. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Collector ang lending company nga tumandok sang Iloilo, naghikug- patay sa Roxas City, Capiz – Police
Next post Mag-asawa, nabunggu-an patay samtang nagatabok sa Diversion Road, Mandurriao