Indi safe–PSTMO head sa pagbutang sang pedestrian lane sa U-turn slots

Iloilo City–Indi safe ang pedestrian lane sa mga U-Turn slots.

Ini ang ginpabutyag ni Public Safety and Transportation Management Office (PSTMO) head Jeck Conlu.

Ang pahayag ginhimo ni Conlu kasunod sang aksidente sa Diversion Road, Mandurriao pasado las sais kaina sang aga, Hunyo 15, nga nag-involved sang mag-asawa nga lunsay gindeklarar nga dead on arrival sa magkatuhay nga ospital.

Nabungguan ang duha samtang nagatabok sa pedestrian lane sang puti nga Mazda nga ginamaneho ni June Paul Valencia, 32-anyos.

Sa sini nga pedestrian lane natabu ang aksidente.

Ginpa-athag ni Conlu nga ang tanan nga design sa Diversion Road iya sang Department of Public Works and Highways.

I-agenda naman ni Conlu sa ila regular meeting sa masunod nga semana lakip na sa meeting upod sa DPWH ang parte sa pedestrian lanes kag speed limit sa Diversion Road.

Kun i-implementar man suno sa iya ang Speed Limit ordinance, mangin daku nga panghangkat sa PSTMO ang kakulang sang personnel nga magamonitor ilabe na kun kaagahon kag gab-i.

Pero mas daku nga panghangkat suno sa iya ang attitude sang mga drivers.

Sa obserbasyon naman ni Councilor Joshua Alim, tuman ka dasig ang dalagan sang mga salakyan sa Diversion Road.

Dugang niya, sala gid ang pagbutang sang pedestrian lane sa U-turn slots. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %