Construction worker, patay matapos ginbuno sang kasubong nga construction worker sa LaPaz
Read Time:1 Minute, 20 Second
Lapaz, Iloilo City – Patay ang construction worker matapos ginbuno sang kasubong nga construction worker sa Zone 1, Baldoza, Lapaz pasado las-9 kagab-i, Hunyo 16.
Ginkilala ang biktima kay Jessie Pacalinga, 56 anyos sang Manaolan, Badiangan nga may madamo nga pilas sa lawas lakip ang patal nga pilas sa liog.
Samtang suspek naman si Junifer Jumwad sang Poblacion, Barotac Viejo.
Suno sa pintor nga si Joemar Barniza, kaupod man sang duha sa trabaho, naga-inom-inom ang biktima kag suspek antes natabu ang insidente kaupod man ang ila mga katrabaho.
May ginbaisan ang duha suno kay Barniza angut sa ila mga papel sa trabaho.
Ginsaway pa ang duha pero nagbunot sang kutsilyo ang suspek kag ginbuno ang biktima.
“SELF DEFENSE”
Nagapanindugan si Jumwad nga gindepensahan lang niya ang iya kaugalingon batuk sa biktima.
Suno sa iya, pakaw sang bomba lang ang iya gina-uyatan. Dugang pa ni Jumwad, naagaw lang niya ang kutsilyo sa biktima.
Nakahanda man siya nga atubangon ang ipasaka nga kaso batuk sa iya.
IMBESTIGASYON SANG POLICE
Hinubog ang ginasundan nga motibo sang Lapaz police.
Suno kay Police Senior Master Sergeant Allen Silda, imbestigador sang Lapaz Police Station, nagaguwa sa ila imbestigasyon nga wala sang gin-awayan ang duha antes ang krimen kundi nagluntad lang ini sang sila ang nag-inom-inom.
Ginatudlo sang kaupdanan sang duha nga ginbuno ni Jumwad si Pacalinga.
Ginapanginwala man sang suspek suno kay Silda ang statement sang mga testigo sa krimen.
Una nga nagpalagyo ang suspek pero nadakpan sa hot pursuit operation pasado las-11 sang gab-i.
Padayon pa ang imbestigasyon sang Lapaz police. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
7 ka ruta, idugang sa Iloilo City sa tiun nga magsugod ang implementasyon sang LPTRP
ILOILO CITY – Dugangan ang ruta sang mga jeepneys sa Iloilo City agud indi mahul-an ang mga pasahero sa tiun...
Outgoing Pres. Rodrigo Duterte, luyag nga padayunon ni President-elect Bongbong Marcos ang away kontra sa illegal nga druga
Luyag ni outgoing President Rodrigo Duterte nga padayunon ni President-elect Ferdinand “Bongbong” Marcos Jr., ang away batok sa illegal drugs...
Pa-AKSYON | Taxi operator, nagreklamo nga indi maka-claim sang insurance agud mapakay-o ang iya unit bangud expired ang registration sang pick up sang PSTMO nga nakabunggo sa iya
ILOILO CITY -- Nagreklamo sa Aksyon Radyo Iloilo ang taxi operator nga indi siya maka-claim sang insurance agud mapakay-o ang...
Apat ka Ilonggo graduates sang PNPA, nag-courtesy visit kay Iloilo Gov. Arthur Defensor, Jr
Nag-courtesy visit kay Iloilo Governor Arthur Defensor Jr., ang tatlo ka Ilonggo graduates sang Philippine National Police Academy (PNPA) Alab-Kalis...
Trisikad driver nga ginakabig high value target, dakup sa drug buy bust operation sa Pavia
ILOILO -- Arestado ang 35-anyos nga trisikad driver sa drug buy bust operation sa Brgy. Tigum, Pavia, Iloilo las-2:15 kahapon,...
Masobra P200,000 nga balor sang suspected shabu, nakuha sa magpalakaisa sa buy bust operation sa La Paz
ILOILO CITY – Ginabanta sa P238,000 ang balor sang suspected shabu ang nakuha sa magpalakaisa nga nadakpan sa drug buy...
Average Rating