ArchivesLokal

Mga manunudlo, estudyante, nagapanawagan sang hustisya matapos nabungguan patay ang principal sang Lapaz II Elemenetary School kag iya asawa nga maestra sa Ticud Elementary School

Iloilo City — Nagasinggitan sang hustisya ang mga manunudlo kag pupils sang Lapaz II Elementary School kasunod sang pagkapatay sang ila principal nga si Joe Marie Osano kag sa iya asawa nga si Alnie Dinah Pet – Osano, Master Teacher 2 sang Ticud Elementary School, sang nabungguan sang sports car sa Diversion Road, Mandurriao sang Hunyo 15.

Ginlaragway ni Mrs. Jocelyn Sasa, ginbutang nga Officer-in-Charge sang Lapaz II Elem. School nga mapisan, mabuot kag mainabyanon nga school princial si Osano.

Nagtipon kaina sang aga ang mga manunudlo, pupils kag bisan mga ginikan sa covered gym sang eskwelahan agud ipakita ang kasubo sa kamatayon sang mag-asawa.

Dal-on sa eskwelahan ang bangkay sang mag-asawa sa Huwebes, Hunyo 20. (AGB)