May 28, 2022

Elevator sang Gaisano Lapaz sa diin na-trap ang isa ka pamilya, naga-function na – mall management

Read Time:51 Second

Iloilo City — Nakay-o na ang elevator sa Gaisano City Lapaz.

Ginpahibalo ini ni May Ann Enad, Gaisano City Human Resource Officer, nagpalab-ot sang reklamo sa Aksyon Radyo Iloilo si Mrs. Girlie Baluco sang Ledesco Village, La Paz sang na-trap sila sang iya bana, bata nga babaye kag tatlo ka menor-de-edad nga apo sa elevator sang Sabado, Hunyo 15.

Posible suno kay Enad nga naglumpat-lumpat ang apo sang tagreklamo gani wala nagtupong sa floor level ang elevator kag sang ginpindot ang button panaug, nagsaka ini sa 5th floor.

Suno kay Enad, nagpangayo sang pasaylo ang tagdumalahan sa pamilya ni Baluco.

Una na nga ginsaysay ni Mrs. Baluco nga halos 30 minutos sila sa sulod sang elevator nga nagapangayo sang bulig apang wala gid sang may nakabati nga personnel sang mall.

Nakaguwa lang sila matapos ginpilit buksan sang iya bana ang elevator.

Suno pa kay Baluco, nagreklamo sila sa management sang Gaisano Capital apang ginkuha lang ang ila number kag wala na sila gintawgan. (AGB/MG)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post (UPDATE) Iloy sang driver sang sports car nga nakabunggo patay sa mag-asawa sa Diversion Road, nag-sorry
Next post Lalaki nga may kaso serious illegal detention, gin-aresto sa Jaro