Mayor-elect, Cong. Jerry Treñas, nakigsapul sa DPWH kag PSTMO agud istoryahan ang mga short-term kag long-term solutions sa problema sa dalanon kasunod sang aksidente sa Diversion Road nga nagpatay sang mag-asawa nga Osano
ILOILO CITY — Nagpakigsapul si Mayor- elect, Congressman Jerry Treñas kay Public Safety and Transportation Management Office (PSTMO) head Jeck Conlu kag DPWH-Iloilo City District Engineer Rodney Gustilo, kaina sang aga.
Nagrekomenda si Treñas sang mga long-term kag short-term solutions sa PSTMO kag DPWH ICDEO.
SHORT-TERM SOLUTIONS NGA UBRAHON SANG DPWH:
1. Siraduhan ang U-Turn slot sa Diversion Road, partikular sa ginluntaran sang aksidente (sa entrance sang Boardwalk);
2. Butangan sang grills halin sa lugar sang insidente tubtob sa SM City; kag
3. Mabutang sang strips (rumble strips) agud magkudol-kudol ang dalan, antes kag pagkatapos sang pedestrian lane.
SHORT TERM SOLUTIONS NGA GINREKOMENDA NGA HIMUON SANG MGA TRAFFIC AIDES:
1. I-guide ang mga naga-jogging sa Esplanade;
2. I- adjust ang duty sang mga traffic aides. Mas maayo kun alas-5 pa lang sang aga, may traffic aides na sa dalanon;
3. Butangan sang traffic aides ang tanan nga pedestrian lanes sa Diversion Road;
4. Istriktuhon ang 60kph nga speed limit. Ang maglapaw sa speed limit, dapat dakpon kag multahan;
5. Dakpon ang wala nagatabok sa pedestrian lane; kag
6. Pataasan ang penalidad sang mga nagalapas sa kasuguan.
LONG TERM SOLUTIONS:
1. Pagpatuman sang Intelligent Transport System (ITS). Paagi sa ITS, tanan nga mga nagalapas sa traffic rules ang mapenahan bangud may mga cameras nga i-install;
2. Pagpatuman sang Speed Limit Ordinance. Halin sang 2015, wala napatuman ang ordinansa bisan nga may ginbakal nga mga speed guns sang 2017; kag
3. Magpahamtang sang Command Center.
(JoMaque/JV)