Pick-up, nahulog sa punongan sa Dumangas

Dumangas, Iloilo — Nahulog sa punongan ang pick-up sa Barangay Dacutan kagab-i, Hunyo 17.

Ginamaneho ni Rammy Cordero sang Barangay Cayos ang pick-up.

Suno kay Punong Barangay Stephen James Foerster, halin sa coastal area ang pick-up kag padulong kuntani sa Poblacion sang na-aksidente.

Ginpahayag nga nagpang-agaw sang linya ang pick-up kag nagderecho sa punongan.

Wala napilasan ang driver sang pick-up pero napilasan naman ang sakay sini matapos nakabunggo ang ulo sa windshield sang salakyan.

Gilayon man nga nakuha ang salakyan nga nahulog. Gina-imbestigaran na sang Dumangas Police ang natabu nga aksidente. (JoMaque)