Lalaki, patay sa aksidente sang motorsiklo sa San Dionisio

San Dionisio, Iloilo – Patay ang driver sang motorsiklo sang naglapaw sa karsada kag nakabunggo sa kahoy sa Barangay Tamangi, San Dionisio.

Ginkilala ang napatay kay Teodoro Dela Cruz Jr, 55 anyos sang Barangay Aguirre, Sara.

Sa imbestigasyon ni Pol. Lt. Edgar Labiscase, acting chief sang San Dionisio MPS, nagtuyo nga mag-overtake si Dela Cruz sa ginasundan nga truck.

Pero nagpreno ang truck gani na-alang-alang si Dela Cruz. Suno kay Labiscase, naglampos ang ulo sang driver sa semento sang natumba ang iya motorsiklo.

Gindala pa sa ospital si Dela Cruz pero wala natabangan. (AGB/AMC)