May 24, 2022

(UPDATE) Lisensya sang driver sang sports car nga nakabunggo patay sa mag-asawa sa Diversion Road, ginsuspender sang LTO

Read Time:39 Second

Iloilo City — Ginsuspender sang Land Transportation Office 6 ang lisensya sang driver sang sports car nga nakabunggo patay sa principal kag iya asawa nga maestra sa Diversion Road, Mandurriao sang Hunyo 15 sang aga.

Ginconfirmar ni Mr. Jojo Jamerlan, deputy chief for operations sang LTO 6, ang pagsuspender sang driver’s license ni June Paul Valencia, 32 anyos, sang 90 ka adlaw kasunod sang pagkapatay nanday Joe Marie Osano, principal sang La Paz II Elementary School, kag Alnie Dinah Osano, maestra sang Ticud Elementary School.

Ginpahibalo sang LTO si Valencia kadungan sa pagserbe sang show cause order kahapon nga nagapangayo sa driver sang paathag kon ano ang natabu.

Gin-athag naman ni Jamerlan nga indi pwede magamit ni Valencia ang iya international driver’s license sa Pilipinas. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Elevator sang Gaisano La Paz, usisaon sang City Engineer’s Office
Next post 17 anyos nga solterito, patay na sang nasapwan sa suba sa Oton