1 patay sa leptospirosis sa Iloilo – PHO

Iloilo — May isa ka napatay sa probinsya bangud sang leptospirosis..// Suno kay Provincial Health Officer Dr. Patricia Grace Trabado, may 12 ka kaso sang leptospirosis sila nga na-record halin Enero 1 tubtob Hunyo 19.

11 sa mga natapikan ang nag-ayo, pero napatay ang isa ka lalaki halin sa Oton.

Kalabanan suno kay Trabado nga natapikan sang balatian ang na-expose sa mga talamnan nga naihian sang infected nga ilaga.

Ang leptospirosis, nagahalin sa ihi sang ilaga kag delikado sa mga tawo nga may pilas kon maglusong sa tubig.

Hilanat, sakit sang ulo kag pagpanalakit sang luku-lukoan ang mga sintomas sang balatian kag may kumplikasyon nga kidney failure kon indi gilayon mabulong. (AGB)