18 anyos nga trabahador sa frozen foods factory, patay sang nahulog sa mixer

By: Aine Grace Bravo | June 22, 2019, 4PM

Iloilo City — Patay ang trabahador sang frozen foods factory sa Mansaya, Lapuz makaligad nga nahulog sa mixer para sa paghimo sang frozen foods ang katunga sang iya lawas kaina sang aga.

Ginkilala ang napatay kay Jomar Junco sang Laua-an, Antique.

Suno kay Mrs. Josielor Jaleco, tag-iya sang kompaniya, bag-o lang nila nga trabahador si Junco kag indi pa ini makahibalo maggamit sang mixer sang ham.

Ginpahayag naman ni alyas Karl, kaupod sa trabaho ni Junco, nga nakibot na lang siya sang nakita nga nagsulod na sa mixer ang katunga sang lawas sang solterito.

Ginhingagaw pa kakas ni Karl ang plug sang mixer sa saksakan, pero nasuok na kag nabali ang mga kamot ni Junco. (AGB)