Kaso batuk kay June Paul Valencia nga nakabunggo patay sa principal kag maestra nga mag-asawa sa Diversion Road, napasaka na – abogado

By: JoMaque | June 22, 2019, 9:48 AM
Via Aksyon Aljohn Torreta

Iloilo City – Ginpasakaan na sang kaso ang driver sang sports car nga nakabunggo patay sa mag-asawa nga Joe Marie Osano, principal sang La Paz II Elem. School, kag Alnie Dinah Pet-Osano, maestra sa Ticud Elem. School.

Ginconfirmar ni Atty. Jose Ricsan Tormon, abogado sang pamilya sang mga napatay, nga na-file na nila kahapon, Hunyo 21 sa City Prosecutor’s Office ang kaso nga reckless imprudence resulting to double homicide batuk kay June Paul Valencia.

Samtang masaku ang pamilya sa hamyang sang mag-asawa sa ila balay sa Ticud, Lapaz.

Buwas sa aga, dal-on na ang ila bangkay sa Barangay Aglosong, Concepcion kag sa Hunyo 30, ilubong ang mag-asawa.