1 patay, 2 pilason sa tropa sang militar matapos na-engkwentro ang ginapatihan NPA members sa Manjuyod, Negros Oriental

By: JoMaque | June 24, 2019, 8:50 AM
via Aksyon Radyo Bacolod

Negros Oriental — Isa ang patay kag duha ang pilason sa tropa sang militar kasunod sang engkwentro sa tunga sang 94th Infantry Battalion sang Philippine Army kag ginapatihan mga miembro sang New People’s Army sa Sitio Kambugtong, Brgy. Bantolinao, Manjuyod las 12 sang kaagahon sang Hunyo 23.

Suno kay Brigadier General Ignacio Madriaga, commander sang 302nd Infantry Brigade sang Philippine Army, Hunyo 22 sang may ginhimo nga Medical kag Dental Mission malapit sa lugar sang engkwentro ang Office of the Provincial Assistance in the Visayas kaupod ang pila ka opisyal sang Manjuyod Police Regional Office 7, mga suldado kag iban pa nga ahensya sang gobyerno.

May pila ka residente suno sa iya ang nagpanugid nga may presensya sang ginapatihan NPA member sa amo nga lugar kag nagapamahog sa ila kon makigbahin sa amu nga aktibidad.

Ginsugid man sang pila ka residente nga nagpamahog man ang mga ginapatihan rebelde nga magamit sila sang land mine batuk sa mga sibilyan rason nga naghimo sang combat operation ang mga suldado.

Kaina sang kaagahon, naka-engkwentro sang militar ang ginabanta 20 ka mga miembro sang rebelde nga grupo.

Ginpahayag ni Madriaga nga naglawig sang masobra 30 minutos ang encounter nga nagresulta sa kamatayon sang isa ka suldado kag pagkapilas sang duha pa ka iban.

Wala ginhingadlan ang napatay kag pilason nga mga suldado bangud wala pa nakahibalo ang ila pamilya suno kay Madriaga.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %