4 Brigadier Generals, ginapilian nga mabulos kay PRO 6 Dir. Bulalacao

By: Aine Grace Bravo | June 24, 2019, 6:30PM

Camp Delgado — Ginbuyagyag ni Police Regional Office 6 Director Pol. Brig. Gen. John Bulalacao ang pangalan sang apat ka mga brigadier generals nga ginapili-an nga mabulos sa iya angut sa iya natalana nga pagretiro sa Hunyo 27.

Una na gin-anunsyar ni Bulalacao nga tatlo sa apat ka ginapilian sang Camp Crame ang mga classmates niya sa Philippine Military Academy (PMA) Maringal Class of 1988 nga ginabug-usan nanday Police Brigadier General Rene Pamuspusan, Police Brigadier General Ferdinand Divina kag Police Brigadier General Joselito Esquievel.

Ginconfirmar ni Bulalacao nga lakip man sa mga ginapilian si Police Brigadier General Filmore Escobal sang PMA Sambisig Class of 1991.

Si Escobal ang head sang Police Security and Protection Group (PSPG) sang PNP.

Si Pamuspusan ang director sang PNP Headquarter Support Service samtang Deputy Director for Intelligence naman sang PNP si Divina. Director naman sang Quezon City Police District si Esquievel.