Ginpamakal sang Espinosa administration, pa-imbestigaran ni incoming Iloilo City Mayor Jerry Treñas

By: Aine Grace Bravo | June 24, 2019, 6:30PM

Iloilo City — Pa-imbestigaran ni incoming Iloilo City Mayor, Congressman Jerry Treñas ang mga ginpamakal sang administrasyon ni outgoing Mayor Joe Espinosa.

Suno sa Treñas, nakabaton siya sang reports nga tuman ka mahal sang mga ginpamakal pareho sang drone nga nagabili sang P850,000; rescue vehicle balor P6.2 million; police cars nga nagabalor P2.2 million; LED wall nga P1 million; tarpaulin printer nga P750,000 kag iban pa nga mga salakyan.

Ginpahibalo ni Treñas sa mga government agencies nga ginhatagan sang salakyan nga pagbawion niya ang mga ini bangud kinahanglan man sang iban nga departments sa city government.