1 patay,1 pilason sa stabbing incident sa Oton

By: JoMaque | June 25, 2019, 9:36 AM
via l AM Reports/ Aksyon Wan Fort Celiz Enar

Iloilo — Patay ang trisikad driver sang ginbuno sang kasubong nga trisikad driver sa Barangay Poblacion North, Oton pasado las 10:00 kagab-i, Hunyo 24.

Gindala pa sa ospital si Marbert Santander, 35 sang Bita Sur, Oton apang wala gid natabangan bangud sa patal nga pilas sa dughan samtang napilasan naman sa wala nga kilid si Melvin Castillanes, 28 sang Poblacion East, Oton sang ginbuno ni Dave Custodio nga may bukol sa ulo.

Suno kay Senior Master Sergeant John Batadlan, imbestigador sang Oton Police Station, may nagluntad nga komosyon sa tunga sang mga biktima kag suspek nga nagresulta sang tapungulay tubtob nabun-an ang mga biktima.

Matambag lang kontani si Santander sang ginbuno sang suspek.

Daan nga hiligut-anun ang ginasunod nga anggulo sa Oton Poilce sa pagbuno sang suspek sa mga biktima.

Gindala si Castillanes sa ospital samtang na-aresto si naman si Custodio.