Mga miembro sang BAC sang City Government, ilisan ni incoming Mayor Jerry Treñas

By: Aine Grace Bravo | June 26, 2019, 6:30PM

Via Aksyon Jeremae Ventar

Iloilo City — Plano ni incoming Mayor Jerry Treñas nga ilisan ang mga miembro sang Bids and Awards Committee (BAC) sa tuyo nga maplastar sang husto ang mga procurements sang iya administrasyon.

Pero wala ini nagakahulugan suno sa iya nga may anomaliya na sa pagbakal sang mas mahal nga mga salakyan kag kagamitan sang Espinosa administration.

Suno kay Treñas, nagpahibalo na siya sang damlag lang nga matukod sang team agud imbestigaran ang mga procurements sang Espinosa administration. Magapamuno sa team si incoming City Legal Officer Atty. Edgar Gil kag magabulig man sa iya si Atty. Quintin Magsico.

Siyam ka Toyota Hi-lux nga nagabalor sang P2.1 million kada isa ang ginbakal sang city government nga mas mahal kon ikumparar sa market price sang mga salakyan.