Operasyon sang frozen foods factory nga napatyan sang trabahador, ginpa-untat sang tag-iya

By: Aine Grace Bravo | June 26, 2019, 6:30PM

Via Aksyon KhenJo Terco

Iloilo City — Nagdesisyon ang tag-iya sang Akhira Manokan and Frozen Foods sa Mansaya, Lapuz nga mag-untat sa pag-obra sang processed foods kasunod sang pagkapatay sang ila trabahador sang Hunyo 22.

Suno kay alyas Grace, bata sang tag-iya nga si Mrs. Josielor Jaleco, kasunod man ini sang gin-issue sa ila nga work stoppage order sang Department of Labor and Employment 6 matapos nakitaan sang mga violations ang ila factory matapos ang inspection.

Ginpahayag ni Grace nga nag-untat sila sa operation kag ginsiraduhan ang ila factory sa Barangay Mansaya, pero nagapadayon naman ang pagbaligya nila sang manok sa ila puwesto sa Iloilo Terminal Market.

Gin-ako ni Grace nga apektado gid ang ila negosyo bangud sang natabu gani magabuhin man man sila sang trabahador.

Pero nagpasalig siya nga hatagan sang nagakaigo nga compensation ang pahalinon nga mga tinawo.